Herzlich willkommen

in der Gemeinde Wardenburg!

Plattdüütsch-Beobdrogte Sylvia Eilers

Moin leeve Lüü, 

ik bün de neeje Plattdüütsch-Beopdrogte, toständig för de Gemeende Woornborg un frei mi bannig, dat ik dit Ehrenamt utfüllen dröff. 

Nun twee Wöör över mi, over dor will ik op disse Siet go nicht so veel to seggen. Bloß, dat ji weeten dot, wer ik bün un wat ik mi op dissen Posten so vorstellen do. 

Heten do ik Sylvia Eilers (dat weer all immer mien Tonomen) un ik kum ut Overläth hier inne Gemeende. Dor bin ik uk geboren un opwussen. 

Ik bin inne fofftig un hebb jümmers met de Nabers un de ölleren Lüü ut de Verwandschop plattdüütsch snackt, wat mi immer noch bannig Spaaß mogt. 

Plattdüütsch het mi all immer an´t Hart legen un besünners, dat disse moie Spraak nich utstarven deit. 

Ik bin in dat Schrieven nich so good, over dat mogt jo nix, wiel dat in´t plattdüütsch gor kiene Grammatik gifft. 

Umso beter geiht dat mit de Spraak un dat is jo wichtig!

Besünners mööt wi all tosomen tosehn, dat use Kinners un Enkelkinners dat Plattdüütsche lehrt un dat dat woller modern waard. Wi hört in Alldag veel to wenig von dat moie Plattdüütsch. Dat is een kostboret Kulturgut von use Region un Heimat. Ik wüünsch mi, dat de Stellenweert woller beeter ward un dorto is de Plattdüütsch-Beopdragte. 

Up disse Opgobe frei ik mi mit jo Bistand, denn Platt lehrt sik nebenbi. 

Dat is gor nich so swoor. 

Blievt gesund un holt jo fuchtig, 
von Harten grööt

Sylvia Eilers

Kontakt

Telefon: 04407-8783
Mobil:    0172-4312901
E-Mail:   sylvie.geli@remove-this.gmx.remove-this.de